Siglir tar il cuntegn

Header

cuntegn

Rimnà avunda suttascripziuns Refurma da l'AVS vegn davant il pievel

Il referendum cunter la refurma da l'AVS vegnia realisada. Quai ha communitgà l'USS, l'Uniun sindicala svizra. Entaifer 50 dis hajan ins rimnà passa 100’000 suttascripziuns – 50’000 fissan necessarias per ch’il referendum gartegia. La votaziun è probablamain l'atun 2022.

Survista da la revisiun «AVS 21»

Avrir la box Serrar la box

La revisiun duai segirar il nivel da las rentas enfin l'onn 2030. Il Cussegl federal propona al parlament:

  • Las dunnas duain er lavurar fin 65. Lur vegliadetgna da renta duai vegnir augmentada pass per pass sur quatter onns. Per accumpagnar quest svilup prevesa il Cussegl federal pajaments da cumpensaziun da radund 700 milliuns francs – e quai sur 9 onns.
  • La vegliadetgna per retrair AVS po vegnir tschernida – quai tranter 62 e 70 onns.
  • L’AVS po vegnir retratga per part ordavant u pir pli tard.
    Er tar il provediment professiunal vala il dretg d’armonisar la vegliadetgna da pensiun da 65 e da retrair la renta pli adura u pli tard.
  • Tgi che lavura pli ditg che fin la vegliadetgna da referenza duai vegnir motivà cun dapli renta.
  • La taglia sin plivalur vegn auzada per maximalmain 0,7% a favur da l’AVS.

La refurma da l'AVS vul auzar la vegliadetgna da pensiun per dunnas da 64 sin 65 onns. Cun augmentar la vegliadetgna da renta per las dunnas veglian ins spargnar sin donn e cust da las dunnas, uschia l’allianza, ch’è cunter la refurma da l’AVS. E quai malgrà che la largia da rentas tar las dunnas è anc adina tar radund in terz. L'allianza renfatscha al parlament ed a las partidas burgaisas ch'i attatgian cun quai l'element central dal sistem social en il pajais.

Ord l'archiv

audio
Vegliadetgna da renta da las dunnas vegn auzà sin 65 – ord la debatta
ord Actualitad dals 09.06.2021.
laschar ir. Durada: 2 minutas 57 Secundas.

RTR novitads 10:00

Artitgels legids il pli savens

Scrollar a sanestra Scrollar a dretga