Las firmas d'armaziun Ruag Svizra e Diehl tudestga hajan fatg cunvegnas illegalas cun la vendita da granatas a maun. Sco quai che la cumissiun da l'Uniun europeica communitgescha, hajan la firma svizra Ruag e la concurrenta tudestga Diehl partì il martgà da granatas durant 14 onns. Omadus concerns hajan concedì il cartel.
La Ruag na sto pajar nagin chasti, perquai ch'ella haja infurmà l'UE davart il cartel e fungeschia sco perditga cardinala. La firma Diehl sto pajar in chasti dad 1,2 milliuns euros. Betg dapli, perquai che Diehl haja cooperà cun la cumissiun.
