Siglir tar il cuntegn

Header

cuntegn

Ruag CEO Brigitte Beck sa retira suenter remartgas

La producenta d'armas e tecnologia aviatica Ruag MRO Holding sto tschertgar ina nova scheffa u in nov scheff. La CEO Brigitte Beck banduna l’interpresa suenter gnanc in onn a la testa.

Beck ha crititgà il scumond d'exportar armas

Sia demissiun succeda en vista a las cuntraversas ch’i haja dà pervi da remartgas da Beck areguard la neutralitad da la Svizra. Tar ina discussiun da podium ha Beck ditg che la Spagna e la Germania duain simplamain dar vinavant armas producidas en Svizra a l'Ucraina ed uschia cuntrafar a la lescha d'exportar armas svizra.

Avant aveva Beck fatg sumegliantas remartgas en in'intervista cun la «Sonntagszeitung», è dentant intervegnida a la publicaziun.

La tschertga d’in nov schef u ina nova scheffa saja gia lantschada. Ad interim surpiglian il schef da finanzas Christian Priller ed il manader da l'unitad da fatschenta «Air» ensemen la direcziun operativa. Quai ha communitgà il concern d'armaziun svizzer. Beck veglia professiunalmain s'orientar da nov.

RTR novitads 14:00

Artitgels legids il pli savens