Siglir tar il cuntegn

Header

video
Virginie Masserey davart novas infecziuns (franzos)
Or da News-Clip dals 13.04.2021.
laschar ir
cuntegn

Runda d'experts Situaziun fragila ma cun perspectivas

Anc adina datti memia bleras novas infecziuns. Da l'autra vart vai però vinavant cun las vaccinaziuns. Averturas per il proxim temp èn tenor Virginie Masserey betg dal tut exclusas, ellas fissan però colliadas cun in ristg.

La situaziun actuala da corona en Svizra saja anc adina fragila. Las cifras sajan anc memia autas, i dettia dentant perspectivas. Uschia han expertas ed experts da chantuns e da la Confederaziun valità il mardi la situaziun actuala da la pandemia.

Adina dapli persunas vaccinadas

Cuntenta è Virginie Masserey dal BAG sa mussada da la situaziun da vaccinar. Il dumber da persunas vaccinadas creschia. Dals 5 fin ils 11 d'avrigl sajan en Svizra passà 210'000 dosas vegnidas vaccinadas, per di sajan quai stadas uschia passa 30'000 vaccinaziuns. Cumpareglià cun l'emna avant saja la cadenza da vaccinaziun s'augmentada per 25%. E 8% da la populaziun svizra saja gia vaccinada cumplettamain.

En Grischun èn quai bun 9%. Las proximas emnas quinta la Confederaziun cun grondas furniziuns da vaccin. Da l'avrigl fin il zercladur spetga la Confederaziun 8 milliuns dosas dal vaccin.

Er facturs socials ston vegnir resguardads

Davart pussaivlas averturas per il proxim temp è Masserey s'exprimida a moda precauta:

Sche nus avrin, lura è quai er collià cun in tschert ristg.
Autur: Virginie Masserey

Trais da quatter criteris da la Confederaziun na sajan betg ademplids. Quellas valurs directivas na sajan dentant betg sacrosanctas. I valia er da resguardar facturs politics e psicologics, ha ditg Masserey.

RTR novitads 15:00

Artitgels legids il pli savens

Scrollar a sanestra Scrollar a dretga