Siglir tar il cuntegn

Header

cuntegn

Salvar mangiativas In segund diever per 7’200 tonnas da mangiar

L'organisaziun «Tischlein deck dich» ha salvà l’onn passà 7’200 tonnas mangiativas, che fissan uschiglio sa tschentadas en il rument. Uschia ha ella pudì sustegnair 1,8 milliuns persunas ch'èn pertutgadas da povradad en Svizra.

Cumpareglià cun l'onn 2022 hajan ins ramassà 1’500 tonnas dapli mangiativas, communitgescha l’organisaziun. Plinavant hai dà otg novs lieus per reparter las mangiativas, in da quels a Mustér. E quest onn duain suandar 10 ulteriurs lieus. Per l'organisaziun ch'exista entant gia dapi 25 onns, lavuran bun 4'200 voluntarias e voluntaris.

Sco «Tischlein deck dich» scriva, profiteschian era radund 300'000 dapli persunas da l'agid cun mangiativas. En tut sajan quai ussa 1,8 milliun persunas. Pussaivel saja quest augment grazia a la buna collavuraziun cun l'industria alimentara, la politica, la scienza, las donaturas ed ils donaturs sco er ils gidanters e las gidantras.

Era «Vita e cretta» è gia sa fatschentà cun las mangiativas:

audio
Abundanza e mancanza da mangiativas
ord Vita e cretta dals 07.06.2020. Maletg: Keystone
laschar ir. Durada: 53 minutas 34 Secundas.

RTR novitads 12:00

Artitgels legids il pli savens