Suenter che la cunvegna da basa aveva fatg naufragi il matg 2021, haja dà 10 discurs da sondagi e var 30 discurs tecnics. Avant la pausa da stad haja il Cussegl federal approvà in mandat da negoziar. Quai saja stà in pass impurtant per tractativas, ha ditg Leu. Plinavant sajan er ils chantuns e l'associaziun economica Economiesuisse pli dominant da la partida.
Demissiun l'atun
La secretaria da stadi e schef-negoziadra cun l’Uniun europeica Livia Leu ha gia pli baud annunzià da demissiunar l’atun. Ses successur vegn ad esser Alexandre Fasel. En l’intervista ha Livia Leu snegà ch’ella sa retiria da ses post pervi da differenzas cun il minister da l’exteriur, Ignazio Cassis.
