Siglir tar il cuntegn

Header

cuntegn

Schuldads svizzers Betg tuts dis da servetsch vegnan quintads

Per schuldads na valan betg tut ils dis ch’els lavuran durant la pandemia sco dis da servetsch. Quai ha ditg la Cussegliera federal Viola Amherd en in’intervista cun il «Blick».

La ministra da defensiun Viola Amherd ha explitgà ina decisiun, ch’il Cussegl federal aveva gia tschiffà. Tgi che saja en il mument engaschà, stoppia dentant il 2020 segir betg pli far in curs da repetiziun. Sche tut ils dis da servetsch vegnissan dentant resguardads, avess il militar tar la proxima pandemia betg pli avunda resursas.

En il mument èn radund 5000 schuldads en acziun, tranter auter per sustegnair il sistem da sanadad e l’administraziun da duana.

RTR novitads 09:00

Artitgels legids il pli savens

Scrollar a sanestra Scrollar a dretga