Enfin la fin da settember han ils 25 campadis dal TCS registrà bun 882’500 pernottaziuns. Quai è in augment da stgars 6% visavi l'onn avant.
L'entira stagiun pudess daventar la segund meglra insumma. L'onn da record vegn dentant il 2021 a restar.
Per la gronda part dals campadis dal TCS va la stagiun a fin dumengia proxima. Tschintg restan averts er durant l'enviern – tranter quels Samedan e Flem. Spezialmain il temp da Nadal è il campar d'enviern fitg popular.
TCS investescha en campadis
Il 2023 è puspè vegnì investì bler en l'infrastructura da las plazzas da campar: da la sanaziun e l'engrondiment d'indrizs sanitars fin ad ulteriurs bungalows confurms per persunas cun impediments.
Il TCS ha approvà ulteriurs projects da campadi per ils proxims in fin trais onns. Quai pertutga tranter auter era la plazza da Flem.
Or da l'archiv:
