Siglir tar il cuntegn

Header

cuntegn

Serias Tipps per il december

Dis fraids e stgirs – ideal per guardar ina seria. Il december offerescha divers highlights per guardar en la televisiun. Serias e films internaziunals, naziunals sco era rumantschs.

«Tschugger» – la nova seria da SRF

«Tschugger» munta per tudestg dal Vallais: policist. En la seria accumpagnain nus il mintgadi d'ina centrala da polizia en il Vallais. E Gea, ins pudess uss pensar che quai è in crimi sco la seria «Wilder». Ma na, gliez n’èsi betg. «Tschugger» è pli fitg ina cumedia ch'in crimi.

La polizia en il Vallais n'ha numnadamain betg bler da far e mussar als uffants da la primara co ch'els han dad ir sur via vi è memia pauc acziun per la figura principala, il policist Bax. Uschia che lez è adina sin la tschertga da ses proxim grond cas. En il mument è el fatschentà cun ina giuvna ed in giuven che fan traffic da drogas. Quai va dentant en las chautschas, uschia ch’els han uss da far cun duas baras ed ina policista federala da la Fedpol.

audio
Tschugger – Seria da SRF
ord Actualitad dals 03.12.2021.
laschar ir. Durada: 5 minutas 1 Secunda.

Fazit da la seria: guardar la seria. Ins sto sa concentrar in zichel pervia dal tudestg dal Vallais, ma per cletg datti suttitels. Ma uschiglio è quella seria super sch'ins less far ina cumadaivla saira sin canape, rir in zichel, dentant betg stuair studegiar memia bler. L'istoria da la seria n'è nagut spezial e las figuras èn fitg superfizialas. Ma il stil dal film che regorda per part vid ils onns 1980, il dialect da las figuras e las sgnoccas èn fetg divertentas.

Avant var 10 onns, hai schon ina giada dà insatge sumigliant, cun ils medems acturs principals. Lura aveva la seria num «Tschutter». La seria pudais Vus guardar qua.

3 tips da films/serias rumantschas

audio
Tipps per serias rumantschas
ord Actualitad dals 03.12.2021.
laschar ir. Durada: 4 minutas 3 Secundas.

Era serias internaziunalas datti per il december

Sin quai han blers spetgà. La seria da cult «La casa de papel», per tudestg «Haus des Geldes», vegn ad ina fin. A partir dals 3 da december cumparan las davosas 5 episodas da la seria. Il trailer empermetta bler action e grondas emoziuns per il punct culminant da la seria.

audio
Haus des Geldes: tge spetga en la nova stafla?
ord Actualitad dals 03.12.2021.
laschar ir. Durada: 3 minutas 44 Secundas.

RTR actualitad 07:00

Artitgels legids il pli savens