Siglir tar il cuntegn

Header

cuntegn

Servetsch da spiunadi Meglierar l’infurmaziun per mauns dal Cussegl federal

Ils rapports per mauns dal Cussegl federal pudessan esser megliers. Quai constatescha l’Autoritad da surveglianza dal servetsch d’infurmaziuns en ses terz rapport annual.

La dumonda sa tschentia, da tge ch’il Departament da defensiun dovria infurmaziuns – per pudair surpigliar la responsabladad politica. Qua dettia potenzial da correcturas, scriva l’autoritad da surveglianza en ses terz rapport annual.

Quai sa mussia er en connex cun l’affera da spiunadi da la Crypto SA. Sch’i saja pussaivel d’evitar in auter sumegliant cas dal tut, saja dentant da dubitar, scriva l’Autoritad da surveglianza dal servetsch d’infurmaziuns. I haja sa tractà da svilups provocads sapientivamain – voluntad ed ideas da carstgauns na possian ins betg controllar.

In agir arbitrar

In auter punct da critica da l’autoritad da surveglianza è la pratica, da retardar dumondas pertutgant datas da persunas che vegnan elavuradas en secturs sensibels dal Servetsch da spiunadi. Vitiers saja sa mussà che dumondas da politichers e da schurnalistas vegnian tractadas cun preferenza, cumpareglià cun autras persunas che sa drizzian al Servetsch d’infurmaziuns.

L’Autoritad da surveglianza dal servetsch d’infurmaziuns ha formulà en tut 55 recumandaziuns en 17 examinaziuns fatgas. L’emprima giada il 2020 ha l’autoritad era fatg ina inspecziun betg annunziada.

RTR novitads 12:00

Artitgels legids il pli savens

Scrollar a sanestra Scrollar a dretga