L’emprima sessiun da la nova legislatura è ida a fin cun las votaziuns finalas: Il Parlament federal ha approvà en tut 11 fatschentas. Tranter auter ha il parlament approvà la finanziaziun unitara en il sectur da sanadad: En l’avegnir vegnan cun quai tut las prestaziuns en il sectur da sanadad, tuttina sche ambulantas, staziunaras u era la tgira a lunga durada, purtadas communablamain da las cassas da malsauns e dals chantuns.
En pli ha il parlament dà ora duas parolas: El recumonda da refusar tant l’iniziativa per la cuntrada sco era l’iniziativa da la biodiversitad.
