Siglir tar il cuntegn

Header

cuntegn

Simonetta Sommaruga «Nus stuain anc chattar la dretga ballantscha»

En connex cun la crisa da corona n’ha la Svizra anc betg chattà la dretga ballantscha tranter luccadad e precauziun. Quai ha ditg la presidenta da la Confederaziun, Simonetta Sommaruga, en in’intervista cun la gasetta «SonntagsBlick».

Nus stuain restar precaut.
Autur: Simonetta Sommaruga presidenta da la Confederaziun

In indizi saja ch’il dumber da las novas infecziuns saja s’augmentà ferm en Svizra. I saja necessari da vinavant esser precaut. Perquai haja il Cussegl federal ordinà in obligatori da purtar mascrinas en il traffic public e la quarantina per viagiaturs da territoris da risico. Bler haja la Svizra fatg endretg. Forsa avess l’obligatori da purtar mascrinas stuì vegnir pli baud,

ha concedì Sommaruga.

Sommaruga sa dosta cunter la renfatscha ch’il Cussegl federal haja tramess in messadi fallà a la populaziun cun abolir almain tut las restricziuns. Bleras reglas valian anc adina, uschia per exempel il scumond d’occurrenzas grondas. Uss sajan ils chantuns responsabels. Quai er per clubs. Ils chantuns stoppian prender mesiras energicas.

Ord l'archiv da SRF

video
Sommaruga: Obligatori da purtar mascra è ina mesira da prevenziun
Or da News-Clip dals 01.07.2020.
laschar ir. Durada: 32 Secundas.

RTR novitads 06:00

Artitgels legids il pli savens