«Smile For Future» - Giuvenils concludan trais pretaisas - Novitads

«Smile For Future» Giuvenils concludan trais pretaisas

Ils 450 activists giuvens vulan che la giustia dal clima vegnia garantida, l'augment da la temperatura globala duai vegnir tegnida sut 1,5 grads e la politica dal clima duai sa basar sin las meglras lavurs scientificas.

Autur: SDA / Onna Riedi

Egualitad tar il tema clima. Quai pretendan ils radund 450 activists suenter l'inscunter dal clima a Losanna. En lur decleranza finala din els, che las gruppaziuns che contribueschian il pli pauc a la midada dal clima stoppian patir il pli fitg da las consequenzas.

Latiers duai l'augment da temperatura global vegnir tegnì sut 1,5 grads en cumparegliaziun cun il temp pre-industrial. E sco terz duai la politica dal clima resguardar las meglras lavurs scientificas.

L'inscunter dal clima a Losanna ha durà tschintg dis. Giuvenils da 38 pajais han prendì part. Tranter quels er la giuvna svedaisa, Greta Thunberg.