En il rom da la sanaziun dal budget federal vul il Cussegl federal spargnar 50 milliuns francs tar l’ETH a Turitg. La Scola politecnica federala haja avunda reservas, argumentescha il Cussegl federal. Quai na constettia dentant betg, pretenda uss il president da l’ETH, Joël Mesot. Questas reservas sajan numnadamain quintadas per programs d’infrastructura. En pli cumbattia l’ETH cun l’inflaziun ed adina dapli students, ha ditg Mesot al «SonntagsBlick».
En vista al success da l’intelligenza artifiziala na saja betg il dretg temp da spargnar tar la perscrutaziun. Enstagl da spargnar fissi plitost d’investir en questa tecnologia che saja gist vidlonder da midar il mund, uschia il president da l’ETH vinavant.
Or da l'archiv
video
L'ETH expandescha en Germania
Or da Tagesschau dals 08.12.2023.
laschar ir. Durada: 2 minutas 23 Secundas.
