La Svizra surpiglia las finamiras da l'Uniun europeica per spargnar electricitad. Quai ha decis il Cussegl federal. Uschia duain Svizras e Svizzers consumar 10% damain electricitad tranter il schaner ed il mars sco era tranter il november e december dal proxim onn. Quai cumpareglià cun la media dals ultims tschintg onns. Cun questa mesira vul il Cussegl federal gidar a rinforzar la segirezza da provediment en l’Europa ed a reducir ils pretschs per l’electricitad.
Il Cussegl federal na vul percunter betg surpigliar ulteriuras mesiras da l'UE per mitigiar ils pretschs d’electricitad – sco per exempel ina taxa da solidaritad sin gudogns da surpli en il sectur fossil. En vista a la situaziun economica ed a l’inflaziun pli bassa cumpareglià cun l’exteriur na dettia nagin basegn d’agir, scriva el.
