Tuttina datti restricziuns per l'illuminaziun. Quai demussan retschertgas da l'agentura da novitads Keystone-SDA. Qua ina survista:
- En la Via da la staziun a Turitg vegnan las glischs stizzadas trais uras e mesa pli baud ch’usità. E la damaun na vegnan las glischs betg tschentadas en.
- A Basilea èn las glischs be tschentadas en il suentermezdi e la saira, e betg tut il di.
- En il center da Lucerna vegn desistì da glischs electricas. Persuenter splenduran 500 laternas cun chandailas.
La citad da Berna na restrenscha betg il temp d'illuminaziun. Persuenter datti sin la Plazza federala quest onn be ina patinera da plastic dir enstagl da vair glatsch. La citad Son Gagl na reducescha il temp d'illuminaziun, appellescha dentant a chasadas privatas da desister sin illuminaziun.
audio
Per tadlar: las novitads da las 10:00
ord RTR Audio dals 27.11.2022.
laschar ir. Durada: 3 minutas 46 Secundas.
