Siglir tar il cuntegn

Header

audio
Cussegl naziunal ha approvà ina decleraziun da vulair avrir ils 22 da mars
Or da Actualitad dals 03.03.2021.
laschar ir. Durada: 04:32 minutas.
cuntegn

Squitsch sin Cussegl federal Cussegl naziunal vul tant pli svelt schluccadas

Il Cussegl naziunal fa squitsch sin il Cussegl federal en connex cun schluccar las mesiras da corona. El duaja avrir ils 22 da mars ils manaschis da gastronomia, cultura, sport e temp liber – e quai independent da la situaziun epidemiologica. En pli duaja il Cussegl federal immediat elavurar ina strategia d'avertura e stgaffir segirezza da planisaziun per occurrenzas grondas.

Il Cussegl naziunal ha approvà ina decleraziun correspundenta cun 97 cunter 90 vuschs. Quella n'è dentant betg lianta per il Cussegl federal. Damaun debattescha il Cussegl dals chantuns en chaussa.

Vusch per persunas malcuntentas

Cun la declaraziun veglian ins dar ina plattafurma a persunas ch'èn malcuntentas cun la situaziun, uschia argumentescha il cusseglier naziunal da la PBD Martin Landolt en il num da la cumissiun d'economia. Il Cussegl federal na sappia betg ir tras ina crisa senza tadlar ils avis da la populaziun.

Da l'auter maun argumenteschan ils adversaris ch'i na dovria betg ina decleraziun. Ins stoppia dar dumogn a la pandemia sin basa da cifras e scienzia, uschia la cussegliera naziunala da la PS Prisca Birrer-Heimo.

RTR novitads 09:00

Artitgels legids il pli savens

Scrollar a sanestra Scrollar a dretga