Siglir tar il cuntegn

Header

cuntegn

Stadler Rail Peter Spuhler sa retira sco CEO

Il constructur da trens turgovais, n'hà mesemma betg be anunzia ils resultas dal prim semester dal 2023, ma er ina midad a la testa da l'interpresa.

Nov CEO

Il constructur da trens, Stadler Rail, ha elegì Markus Bernsteiner sco nov CEO. El surpiglia l'entschatta dal 2023 il post dal schef ad interim, Peter Spuhler. Quel vegn lura puspè a sa concentrar sin ses uffizi sco president dal cussegl d'administraziun. Spuhler aveva gia 2017 dà si sia plazza sco CEO. Suenter conflicts cun il nov CEO Thomas Ahlburg aveva Spuhler 2020 puspè surpiglià ses vegl post ad interim. Ses successur è Markus Bernsteiner. El lavura gia dapi il 1999 tar Stadler ed è actualmain gia schef substitut da la gruppa Stadler e vice president executiv da la divisiun Svizra. Plinavant maina el ils lieus da producziun a Bussnang ed a St. Margrethen sco CEO.

purtret da Markus Bernsteiner
Legenda: Markus Bernsteiner è gia dapi il 1999 tar Stadler Rail en differentas funcziuns. Stadler Rail

Pauc gudogn

Il constructur da trens ha fatg l'emprim mez onn bler damain gudogn che l'onn passà. Il gudogn net sa sminuì sin 2,4 milliuns francs. Avant in onn aveva il concern anc fatg in gudogna net da 26,3 milliuns francs. Surtut ch'il franc svizzer saja vegnì dapi lura uschè bler pli ferm cumpareglià cun l'euro, haja gì in effect fitg grond. Il dumber d'incumbensas ès però bunamain redublà. L'entrada d'incumbensas è creschida sin 5,97 milliardas francs. Cun quai saja la finamira da l'onn gia accumplida. Per l'onn 2022 fa l'interpresa vinavant quint cun in svieuta tranter 3,7 e 4 milliardas francs.

audio
Per tadlar: las novitads da las 9:00
ord RTR Audio dals 31.08.2022.
laschar ir. Durada: 3 minutas 11 Secundas.

Or da l'archiv

video
Viafier retica e Stadler Rail han preschentà il nov tren Capricorn
Or da Telesguard dals 15.04.2019.
laschar ir. Durada: 3 minutas 10 Secundas.

RTR novitads 9:00

Artitgels legids il pli savens

Scrollar a sanestra Scrollar a dretga