La stagiun d'enviern haja procurà per ina bun'occupaziun da las destinaziuns svizras, ha declerà in pledader da la federaziun Turissem Svizra envers SRF.
Il dumber da giasts haja cuntanschì 85% dal stan d'avant la pandemia da corona. L'enviern ch'è arrivà baud, la blera naiv e la bel'aura enfin Pasca, han procurà per bunas cundiziuns en ils territoris da skis, quai almain sin la vart dal nord da las alps.
Il dumber da giasts svizzers, saja stà 10% pli aut ch'anc avant la pandemia, hai gì num vinavant. La cumpart da Svizras e Svizzers saja gia adina stada fitg gronda e saja stà in grond agid durant las ultimas duas stagiuns.
audio
Per tadlar: las novitads da las 10:00
ord RTR Audio dals 19.04.2022.
laschar ir. Durada: 3 minutas 19 Secundas.
