Cunzunt en citads saja la situaziun fitg difficila. Il favrer sajan en media mo 15% dals letgs stads occupads. Gia l’entira stagiun d’enviern hajan ils hotels en las citads fatg grondas perditas. Pervi da las restricziuns da viagiar haja il minus muntà en media ad 1,5 milliuns francs per manaschi.
Er en ils lieus da sport d’enviern saja la situaziun dramatica: Là sajan be 50% dals letgs stads occupads il favrer e quai malgrà las vacanzas da sport. Tenor Hotelleriesuisse resulta sur l’entira stagiun d’enviern en media in minus da 773'000 francs.
Er las prognosas per ils proxims mais sajan negativas. Las cifras actualas mussian perquai, quant impurtant ch’i saja dad optimar l’agid per cas da direzza.
audio
Per tadlar curt e cumpact
ord RTR Audio dals 28.02.2021.
laschar ir. Durada: 1 minuta.
