En l'avegnir duain 60% dal volumen d'armas vegnir cumpradas en Svizra e 30% tar ils stadis vischins u aifer l'Europa. Uschia vul il Cussegl federal nizzegiar il potenzial tecnologic per l'armada svizra e l'armada duai vegnir equipada a temp. Plinavant vegn er la branscha d'armament en Svizra rinforzada
Plinavant vul il Cussegl federal investir dapli en la perscrutaziun svizra. Uschia duai dar pli innovaziuns naziunalas. Fin l’onn 2030 duain 2% dal budget da l’armada ir en la perscrutaziun – actualmain è quai 1%. Concret vegn quai a pertutgar scolas autas, start-ups, dentant er fatschentas pli pitschnas.
«Avrir portas»
Tenor il cusseglier federal Martin Pfister duai ina branscha d'armament naziunala er avrir portas per ina cooperaziun meglra cun la branscha internaziunala. La collavuraziun cun partenaris d'auters stadis saja impurtant per esser pront per il cass sincer. Surtut cun pajais europeics ed ils vischins directs vulan ins collavurar. En in cas sincer sajan quai ils partenaris centrals.
Cun la strategia nova – surtut cun las investiziuns en start-ups e perscrutaziun – duai l'armada restar sin il stand actual. L'armament sa sviluppeschia adina vinavant, ha ditg il schef d'armament, Urs Loher. La Svizra na possia qua betg restar enavos.