Quant grond è l'influenza dal moviment dal clima «Fridays for Future» sin las disas dal mintgadi da la glieud – questa dumonda ha perscrutà in team da l'ETH da Losanna. Il studi mussa che 30% da la populaziun svizra ha midà las disas. Vul dir che la glieud è daventada conscienta co che lur agir influenzescha l'ambient.
Radund in terz da las persunas dumandadas ha inditgà da tschertgar alternativas per il viadi cun l'auto u er da far vacanzas pli datiers dal dachasa. Per il studi han ins dumandà radund 1'200 persunas e quai l'atun 2019.
