Siglir tar il cuntegn

Header

cuntegn

Studi per il temp da pandemia Damain sport però dapli en il liber

Pervi da la pandemia da corona ha la populaziun svizra fatg pli pauc sport. Quai mussa in studi, nua che 2'130 persunas èn vegnidas dumandadas che l’Observatori da sport svizzer ha preschentà gievgia a Magglingen.

Differenzas tranter vegliadetgnas e regiuns

Pli pauc sport han cunzunt umens enfin 45 onns e dunnas tranter 45 e 60 onns fatg. Umens e dunnas sur 60 onns han percunter inditgà ch'ì hajan fatg dapli sport ch'avant la pandemia. Grondas differenzas datti sch'ins guarda sin las regiuns linguisticas. En la Svizra franzosa e taliana ha la glieud laschà suenter anc pli fitg cun far sport che en la Svizra tudestga.

Dapli sport en il liber – cun meds d'agid digitals

Cunzunt ils sports da nudar, il sautar ed il sport da cumbat han patì pervi da las mesiras cunter coronavirus. Tar ils centers da fitness n'è la perdita betg uschè gronda sco spetgà, las extradas durant corona han pudì vegnir cumpensadas cun las novas entradas. Auters sports èn dentant daventads pli populars. Uschia èn dapli persunas idas a chaminar, han fatg trenaments per la musculatura, joga, mountainbike u èn idas cun inline-skates. Dapli Svizzers e Svizras fan sport en il liber u a chasa cun agid da meds digitals.

RTR novitads 17:00

Artitgels legids il pli savens

Scrollar a sanestra Scrollar a dretga