La Svizra ha ina surabundanza da mascras da protecziun cunter il virus da corona. Quai scriva la gasetta da la dumengia «NZZ am Sonntag». Suenter la grond'acziun da cumpra la primavaira, s'emplunian las mascrinas. Strusch insatgi dovria insumma anc il material da protecziun. La gasetta sa basa sin in dossier davart l'andament da la pandemia.
Total hajan las autoritads ed il militar empustà 250 milliuns mascras. 40 milliuns hajan ins repartì a chantuns ed als detagliss. Ulteriurs 90 milliuns arrivian anc da la China. 120 milliuns tocs sajan en magasins. Tge che succeda cun quest mantun è tenor la NZZ anc avert.
