Siglir tar il cuntegn

Header

video
Brigitte Häberli-Koller: «Ein Eingriff ins Mietrecht ist nicht gerechtfertigt.»
Or da News-Clip dals 08.06.2020.
laschar ir
cuntegn

Suenter dira debatta Cumpromiss tar tschains da locaziun è sut tetg

  • Fatschentas che han stuì serrar pervi da las restricziuns da corona duain pajar per quest temp 60% damain dals tschains da locaziun.
  • Il Cussegl dals chantuns ha approvà la moziun cun 20 cunter 19 vuschs tar 4 abstenziuns.

Fatschentas che han stuì serrar pervi da las restricziuns da corona duain pajar per quest temp 40% dals tschains da locaziun. Ils 60% restants duain ir sin donn e cust dal locatur. Sin quai è sa cunvegnì il parlament federal. La regulaziun duai valair per tschains fin a 20'000 francs il mais. Manaschis che han stuì reducir lur activitads duain er pudair profitar, almain en rama limitada, da la reducziun. Tar in tschains tranter 15'000 e 20'000 francs pon il locatur ed il locatari er desister sin questa schliaziun.

Per ils locaturs duai il Cussegl federal preveder in fond per cas da direzza da 10 milliuns francs. La regenza svizra ha adina pledà cunter questa regulaziun. La reducziun dal tschains saja in'intervenziun en la garanzia da la proprietad, uschia ses argument.

Gievgia passada ha il Cussegl naziunal gia approvà ina moziun sumeglianta. Las moziuns n'èn dentant betg identicas fin en ils detagls.

RTR novitads 21:00

Artitgels legids il pli savens

Scrollar a sanestra Scrollar a dretga