La notg sin sonda haja l'ovra puspè cumenza a producir forza electrica. Sonda avantmezdi haja l'ovra puspè producì energia cun sia prestaziun plaina, communitgescha il gestiunari Axpo. Privel per umans e per l'ambient n'haja betg dà, uschia il Ensi. Sco adina cun cas sumegliants vegn l'Inspecturat federal per la segirezza nucleara ussa ad analisar l'incident.
L'ovra atomara Beznau era puspè vi da la rait dapi ils 22 d'avust suenter lavurs da mantegniment.
Or da l'archiv
Il Cussegl federal aveva decidì la stad 2011, suenter l'accident nuclear da Fukushima, da sortir da la forza atomara. Avant passa trais onns è l'emprima ovra atomara, quella da Mühleberg, vegnida distatgada da la rait.
