Siglir tar il cuntegn

Header

cuntegn

Suenter il lockdown Coiffeurs preschentan concept per pudair reavrir bainbaud

Coiffeuras e coiffeurs duain esser tranter ils emprims che dastgan puspè lavurar suenter che las reglas cunter il coronavirus vegnan schluccadas. L'associaziun «Coiffure Suisse» ha elavurà in concept da duas fasas che duai pussibilitar d'avrir bainbaud las fatschentas da coiffeur.

En l'emprima fasa duain sulet la mesadad da las sutgas vegnir occupadas. Emploiads sco er la clientella ston purtar mascras. Vitiers vegnan duvrads guants e mantellas a diever unic sco er meds da dischinfectar.

Anc valan las mesiras rigurusas da la Confederaziun fin ils 26 d'avrigl ed almain fin là restan er tut las fatschentas da coiffeur serradas. Proxima emna decida il Cussegl federal davart las etappas per schluccar las mesiras.

Ord l'archiv:

video
Tutorial: Metter si endretg ina mascra da protecziun
Or da Telesguard dals 08.04.2020.
laschar ir. Durada: 1 minuta 33 Secundas.

Artitgels legids il pli savens