Actualmain examinescha l'armada svizra dus differents sistems da rachetas da defensiun. In'offerta che l’armada ha survegnì vegn dals Stadis Unids e l’autra da la Frantscha. Fatgs vegnan ils tests a Menzingen en il chantun Zug. En emprima lingia vul l’armada guardar, co ch'ils sensurs dal sistem da radar reageschan. Tests da tir na duai dar nagins.
Suenter l’evaluaziun decida il Cussegl federal, sche la Svizra cumpra rachetas franzosas ubain americanas. Per la defensiun en l’aria stattan a disposiziun maximalmain 2 milliardas francs. Il sistem da la defensiun fa part dal project «Air 2030». Tar quel tutga era la cumpra da novs aviuns da cumbat. Dentant auter che tar ils aviuns da cumbat, na vegnan las rachetas da defensiun betg davant il pievel.
RR novitads 12:00
