Siglir tar il cuntegn

Header

cuntegn

Svizra Suenter la naiv il vent: «Vaia» ha buffà tras la Svizra

Il stemprà, ch’è passà la notg sin mardi dal sid en direcziun nord sur la Svizra, haja causà localmain bufs d’orcan. Sin il Piz Martegnas (Savognin) ha il vent sufflà cun 181 km/h.

La zona da pressiun bassa «Vaia» ha purtà betg be naiv, ma er vents cun fermezza d'orcan en Svizra. A Bivio èn vegnids registrads buffs da 120 km/h. Il pli ferm hai buffà sin il Gütsch sur Andermatt. Là han ins mesirà 213 km/h. Tenor SRF Meteo haja il vent sdermanà enturn objects lucs. Latiers saja roma rutta giu da las plantas e plantas sajan vegnidas sragischadas.

En l'Engiadin'Ota ha Segl registrà in nov record: 225 mm plievgia, tant sco anc mai dapi ch'i vegn fatg las mesiraziuns avant passa 150 onns. Il november 2002 hai dà l'ultima giada tanta plievgia, lura han ins mesirà 223 mm.

En il Tessin smanatschan auas grondas

Sco en Grischun ha «Vaia» procurà il glindesdi er en il Tessin ed il Vallais per precipitaziuns intensivas. En las regiuns pertutgadas da la plievgia permanenta han stuì vegnir serradas pliras vias ord tema da lavinas e crudada da crappa.

Er oz mardi saja da quintar cun vents da fin 120 km/h sur las tschimas. En il decurs dal suentermezdi tschessia bain il vent en il sid ed en las Alps – en il nord buffia el dentant cun sveltezzas da 60 fin 90 km/h ed en lieus exponids perfin cun radund 100 km/h.

RR novitads 06:00

Artitgels legids il pli savens