La UBS ha surpassà las spetgas dals analists. La banca gronda ha pudì augmentar il gudogn en il segund quartal per 63% sin duas milliardas dollars, ha communitgà l'institut.
Quintà cun damain
Analists avevan quintà cun 1,3 milliardas dollars. Fitg bain saja surtut ì en la fatschenta principala cun clients privats ritgs. Sin il martgà a chasa saja er la rectificaziun da la valur per ristgs da credit stada positiva. En il terz quartal quinta il schef da la UBS, Ralf Hamers, dentant cun damain activitad dals clients. E quai vegnia segir era ad avair influenza sin il svilup da la rendita.