Ils custs da sanadad èn s'augmentads il 2023. Quai mussa ina calculaziun da l'organisaziun tetgala Curafutura. Ils custs tar la cassa da malsauns obligatorica saja s'augmentada per 4,6%, cumpareglià cun l'onn avant. Sco congual: L'onn 2022 èn ils custs s'augmentads per 2,6%.
Il pli ferm è l'augment tar la fisioterapia, cun in plus da 7%. Là dettia in trend da far dapli tractaments conservativs, scriva Curafutura. Era tar l'agid e tgira externa, per exempel da la Spitex, èn ils custs d'augmentads per var 6,1%. Ils custs per medicaments èn s'augmentads per var 4% en congual cun l'onn avant.
Surprendentamain èn era ils custs per tractaments staziunars s'augmentads marcantamain, malgrà ch'i dat in trend davent da tractaments staziunars, vi tar visitas ambulantas. Dals custs da sanadad totals en Svizra fa la sparta staziunara or var 20%.
Adattà al tema
