En Svizra ha Swissmedic lubì in medicament per prevegnir a Covid-19. I sa tracta d'ina cumbinaziun d'anticorps dal concern britannic-svedais Astra Zeneca. La profilaxa è destinada per pazientas e pazients da ristg che han, malgrà pliras vaccinaziuns, betg avunda immunitad cunter Covid-19.
La profilaxa vegn sut tschertas cundiziuns bunifitgà entras la Confederaziun respectivamain la cassa da malsauns. La Confederaziun ha gia empustà 5'000 dosas.
