Statistica da mortoris 2020 - L'onn da corona hai dà dapli mortoris che l'onn avant - Novitads

Statistica da mortoris 2020 L'onn da corona hai dà dapli mortoris che l'onn avant

L'onn da pandemia 2020 èn mortas en Svizra 76'195 persunas. Quai èn 12,4% dapli mortoris ch'e l'onn avant (var 70'000 persunas). Sco l'Uffizi federal da statistica scriva, saja la pandemia da corona il motiv principal per l'augment.

Autur: SDA / Flurin Clalüna

Il 2020 è corona stàda ina da las trais raschuns ch'èn stadas reponsablas per ils blers mortoris. Tar radund 12% da quels era Covid-19 la raschun. En cifras concretas èn quai 9'294 persunas cun sedia en Svizra nua che Covid-19 era il motiv principal per il mortori. La gronda part da quellas persunas eran pli veglias che 65 onns.

Responsabel per anc dapli mortoris ch'il coronavirus èn malsognas dal cor e da la circulaziun (27%) e cancer (22%). En general hai dà ils davos onns dapli persunas ch'èn mortas pervi da malsognas dal cor, dentant pli paucas persunas ch'èn mortas pervi da cancer. Er il dumber da suicidis saja sa reducì ils davos onns.