Sut il motto «Damaun èsi memia tard» ha glieud demonstrà sin l'entir mund cunter la politica da clima. En Svizra èn cunzunt a Turitg ed a Berna millis ids a demonstrar. Els èn s’exprimids cunter las ovras da reserva da la Confederaziun e la planisaziun d'in port per stgargiar gas liquid a Basilea-Champagna.
Il moviment da chauma per il clima aveva fatg l'appel per las demonstraziuns. El pretenda ina fin dal diever e d'energia fossila, e che naginas ovras cun energia fossila vegnian bajegiadas pli. Enstagl duai vegnir spargnà energia. Demonstraziuns hai er dà ad Aarau ed a Sion.