Siglir tar il cuntegn

Header

Visualisaziun da l'ovra d'electricitad da reserva a Cornaux.
Legenda: Visualisaziun da l'ovra d'electricitad da reserva a Cornaux. Keystone
cuntegn

Mancanza d'energia Segunda ovra da reserva a Cornaux

La Confederaziun ha suttascrit in contract cun il gestiunari da l'ovra Groupe E per evitar ina mancanza d'energia l'enviern.

  • Sper l'ovra da reserva a Birr (AG) stat in contract per in'ovra ulteriura a Cornaux (NE). La Purschida da l'ovra è radund 36 megawatts (quella en l'Argovia presta 250 megawatts).
  • L'ovra po brischar ieli da stgaudar extra-lev u gas. Er quai è sumegliant a l'ovra a Birr ch'ins po laschar ir cun gas, ieli ed idrogen.
  • Il contract cun il gestiunari da l'ovra cumenza l'emprim da favrer 2023. Ils custs fixs per duvrar l'ovra èn 9,15 milliuns francs per il temp tranter l'emprim da favrer 2023 ed ils 30 d'avrigl 2026.

Vitiers vid ils custs fixs vegnan custs variabels che dependan da la fiera ed ils pretschs d'ieli u gas. Custs fixs ed variabels vegnan repartids sin la populaziun cun auzar il pretsch per l'electricitad.

video
Il plan d'urgenza sch'i na dat avunda energia l'enviern.
Or da Tagesschau dals 23.11.2022.
laschar ir. Durada: 5 minutas 33 Secundas.

La mesemna passada ha la regenza inoltrà l'ordinaziun per laschar ir las ovras d'electricitad da reserva. Las ovras na ston betg sa tegnair vi da l'ordinaziun davart la protecziun da l'aria. Il Departament federal per ambient, traffic, energia e communicaziun decida con bler canera ed emissiuns che las ovras dastgan far.

Ina ulteriura ovra da reserva duai dar en il Vallais, las negoziaziuns davart quai n'èn dentant anc betg finidas. Ulteriuras mesiras cunter la mancanza d'energia èn reservas d'aua en ils lais da fermada ed ina campagna da spargnar energia, tranter auter.

RTR novitads 14:00

Artitgels legids il pli savens

Scrollar a sanestra Scrollar a dretga