Siglir tar il cuntegn

Header

Telefonin che mussa che l'internet na funcziuna betg.
Legenda: Per la terza giada aifer paucas emnas hai dà in disturbi sin la rait da la Swisscom. Keystone
cuntegn

Swisscom Terza panna aifer curt temp

La mesemna a bun'ura ha la rait da la Swisscom puspè fatg problems. Quai è la terza panna entaifer paucas emnas. L'access da l'internet sur la rait mobila è stà restrenschì en il nord da la Svizra. Il disturbi ha cuzzà radund 5 uras fin las 08:40. Pertutgads èn stads clients da divers abunaments. Raschun saja stà in defect da la hardware.

Dus grevs disturbis dapi l'entschatta da l'onn

Gia l'emna passada è la rait stada interrutta il mardi saira e la mesemna a bun'ura en grondas parts da la Svizra. Là avevan lavurs da mantegniment chaschunà il problems. Sper la telefonia mobila e l'internet a chasa eran crudadas ora er ils numers d'urgenza. Tenor la Swisscom era la panna capitada per sbagl uman.

Ed er ils 17 da schaner avevi dà durant in'ura ferms disturbis en la rait da la Swisscom. Er quella giada n'avevan ils numers d'urgenza betg funcziunà. Sur la rait mobila eran cloms d'urgenza dentant stads pussaivels.

Ord l'archiv da SRF:

Video
Dischagrement tar servetschs d'urgenza pervi da Swisscom
Or da Tagesschau dals 12.02.2020.
laschar ir

RTR novitads 12:00

Artitgels legì il pli savens

Nach links scrollen Nach rechts scrollen