Siglir tar il cuntegn

Header

purtret dal logo da swissmedic.
Legenda: Keystone
cuntegn

Swissmedic Terz candidat per vaccin ha dumandà per licenza

Swissmedic a survegnì ina terza dumonda d'admissiun per in vaccin cunter corona. L'Institut svizzer per products terapeutics ha infurmà ch'il concern american da biotecnologia, Moderna, haja inoltrà la dumonda.

Sco Swissmedic scriva, tractian els tut las dumondas d'admissiun en connex cun la pandemia da Covid-19 a moda pli speditiva, e cun dapli persunal. Las duas dumondas d'admissiun per in vaccin d'enfin uss, han ils concerns Pfizer/Biontech ed Astra-Zeneca inoltrà il mais passà.

Tar il vaccin pussaivel da Moderna è il furnitur dal Vallais, Lonza, er participant. El duai producir la substanza per il vaccin uschespert che quel vegn sin il martgà. Ina lingia da producziun a Visp en il Vallais saja gia en construcziun. La producziun duai cumenzar là anc quest onn.

RTR novitads 17:00

Artitgels legids il pli savens

Scrollar a sanestra Scrollar a dretga