La Task-Force scientifica Covid-19 è sa participada a la discussiun davart ils eventuals avantatgs per persunas vaccinadas. In tractament inegual da persunas vaccinadas e betg vaccinadas saja be giustificabel sut tschertas cundiziuns, hai num da vart da la Task-Force.
Uschia stoppia ins per exempel l’emprim sclerir, sche la transmissiun dal virus saja insumma restrenschida cun la vaccinaziun. Ina cundiziun saja er, che tuts hajan il medem access a la vaccinaziun. Sche quai saja il cas, na fissi tenor la Task-Force betg admess da mantegnair las restricziuns per persunas vaccinadas.
Dretgs fundamentals ston esser garantids
Ultra da quai stuessan esser garantids a persunas senza vaccinaziun ils dretgs fundamentals, l'access a rauba essenziala per il mintgadi sco er da manar ina buna vita. Dad excluder persunas betg vaccinadas d'ina activitad saja be giustificabel, sch'i na stettian a disposiziun naginas ulteriuras mesiras per reducir il ristg.
Ord l'archiv da la Tagesschau: