La vignetta da tatgar na svanescha dentant betg: Quella po vinavant vegnir cumprada sco alternativa. Tgi che sa decida per la varianta electronica sto registrar il numer da ses autos sur ina applicaziun en l’internet. Il minister da finanzas, Ueli Maurer, ha en quest connex suttastritgà ils respargns da 36 milliuns francs. Il pretsch da la vignetta resta tar 40 francs.
Controlla fixa u mobila?
En intgins puncts è la Chombra gronda dentant d’in auter avis che la Chombra pitschna: Uschia duajan las controllas automatisadas betg vegnir fatgas cun indrizs installads fix, mabain mo esser lubidas cun apparats mobils. I duaja pia be dar provas da controlla. La fatschenta va perquai enavos en il Cussegl dals chantuns.
audio
Per tadlar curt e cumpact
ord RTR Audio dals 16.09.2020.
laschar ir. Durada: 55 Secundas.
