Tgi è gia guarì dal virus? - Confederaziun tschertga persunas immunas - Novitads

Tgi è gia guarì dal virus? Confederaziun tschertga persunas immunas

Uss vegn ina nova gruppa da persunas en il focus da l'interess, numnadamain da quellas che han gia fatg tras il coronavirus ed èn puspè gauridas. Quellas èn numnadamain immunas encunter il virus e na pon betg pli dar enavant quel.

Autur: Lea Livers

Talas persunas pudessan prestar servetschs prezius per novs pazients. Quantas da quellas persunas ch'i dat, na san ins anc betg.

Quellas persunas n'èn betg pli periclitadas e pon vegnir en acziun sin tut la lingia.

Autur: Daniel Koch Manader da la partiziun per malsognas transmissiblas al BAG

Fin a 80% dals cas prendan numnadamain in andament miaivel. Quels cas na vegnan per il solit gnanc testads. Uss datti però novs tests che pon cumprovar anticorps ch'èn sa furmads en il sang en il decurs d'ina infecziun. Quai ha Daniel Koch dal BAG confermà en la «NZZ am Sonntag».

La Confederaziun saja londervi da sclerir tge tests ch'èn buns. Uschespert ch'ins sappia tgenins ch'ins possia duvrar veglia la Svizra empruvar d'organisar tants sco pusaivel per guardar tgi ch'è immun e cun quai betg pli en privel.