Siglir tar il cuntegn

Header

cuntegn

Tgirunzas e tgirunzs «Tractaments na dastgan betg vegnir spustads»

Il Cussegl federal duai tractar il sectur da la sanadad sco prioritad absoluta e pazients na dastgian betg vegnir negligids. Quai pretenda l’Associaziun svizra da las tgirunzas e tgirunzs.

I na dastgia betg pli capitar che tractaments dal cancer vegnian spustads pervi da la pandemia da corona, ha ditg Roswitha Koch dal SBK il mardi a chaschun da la conferenza da medias da l'Uffizi federal da sanadad. Pervi da la chargia da lavur pli gronda, hajan var 10% da las tgirunzas e tgirunzs dà si lur lavur.

video
Roswitha Koch: «Il dumber da persunal va enavos».
Or da News-Clip dals 05.10.2021.
laschar ir

La vaccinaziun cunter covid saja la meglra metoda per proteger sasez, ils auters ed er il sectur da la sanadad. Ulteriurs lockdowns fissian ina sfida per la psica da la populaziun, giuvenils sajan gia uss fitg periclitads. Ils posts da cussegliaziun sajan gia uss surdumandads.

Cifras sa reduceschan plaunsieu

Entant ha l'Uffizi federal da sanadad annunzià 1019 novas infecziuns entaifer 24 uras. Cunquai è la media dals ultims 7 dis per 19% pli bassa che l'emna avant. Il BAG annunzia plinavant 3 ulteriurs mortoris en connex cun il virus.

En il Grischun hai dà 20 novas infecziuns entaifer 24 uras. En ils ospitals grischuns èn actualmain 6 persunas sin la staziun intensiva. La quota da las persunas vaccinadas cumplettamain en Svizra è il mument tar bunamain 59%.

RTR novitads 15:00

Artitgels legids il pli savens

Scrollar a sanestra Scrollar a dretga