A partir dal december datti novas colliaziuns da tren directas da ed a Cuira. E per l'emprima giada è il Grischun er cuntanschibel direct da la la Svizra franzosa. Cun questas midadas vulan las Viafiers federala flexibilisar sia purschida e porscher colliaziuns directas pli confortablas en las regiuns turisticas, scriva ella en ina communicaziun.
Cun la midada dal nov urari datti la fin d'emna da nov mintgamai duas colliaziuns directas tranter Cuira e Genevra, quai via Losanna. Ultra da quai vegn megliurada la purschida da la fin d'emna tranter Cuira e Turitg. Da nov cursescha quasi mintga mes'ura in InterCity.
Dapli colliaziuns cun l'exteriur
Sper dapli colliaziuns aifer la Svizra vegnan er agumentadas las colliaziuns cun l'exteriur. Tranter auter datti in ulteriur tren da notg da Turitg a Prag e trais ulteriuras colliaziuns directas tranter Turitg e Stuttgart. En pli vegni a dar dapli plazs en trens da notg vers Hamburg, Berlin u er direcziun Vienna. Il sboz per la midada d'urari vegn ussa tramess en consultaziun.
Pli pauc trens per pendularis
Percunter planisescha la SBB da desister da singuls trens sin trajects dals pendularis. La dumonda en il traffic pendular saja anc sut il nivel d'avant corona, argumentescha l'intepresa. Ultra da quai vulan ins uschia spargnar custs.
