Tut en tut han ils trens, ils trams, ils bus e las pendicularas fatg 17,1 milliardas kilometers da persuna l'onn passà, quai mussan las novas cifras da l'Uffizi federal da statistica. In kilometer da persuna correspunda al transport dad ina singula persuna sur in kilometer.
La cumpart da l'entir traffic public al traffic en Svizra è il 2020 stada tar 16,7%. Ella è sa reducida entaifer in onn per 4 puncts proncentuals, perquai ch'il traffic privat n'è durant la pandemia betg sa reducì uschè fitg sco il traffic public. En il traffic privat èn ils kilometers da persuna sa reducids da 103 sin 85 milliardas.