Bunamain tuts passagiers en Svizra sa tegnan vid l’obligatori da purtar mascras, che vala dapi duas emnas en il traffic public. Quai mussa in'enquista da l’agentura da novitads Keystone-SDA.
En ils trens portian bunamain tuts ina mascra, uschia las Viafiers federalas svizras. L'AutoDaPosta stima che maximalmain tschintg pertschient n’ha portian nagina mascra da protecziun. Sumegliant positiv tuni tar autras interpresas.
Pitschnas discussiuns dettia magari sin bastiments, di il president da la Federaziun svizra d’interpresas da navigaziun. Là chapeschia la glieud pli pauc daco che l’obligatori valia er ordadora.
