Il sistem da defensiun cunter aviuns «Skynex» è vegnì sviluppà en Svizra da la firma Rheinmetall Air Defence cun sedia a Turitg. Quest sistem duaja uss vegnir en funcziun en l’Ucraina: Fin la fin da l’onn vegnian dus da quels sistems furnids en l’Ucraina. Quai ha confermà in pledader da Rheinmetall envers la «SonntagsZeitung».
Dentant na furneschia betg la Svizra ils sistems da defensiun, mabain l’Italia – nua ch’ils sistems da defensiun cunter aviuns vegnian producids a Roma.
audio
Per tadlar: curt e cumpact
ord RTR Audio dals 07.05.2023.
laschar ir. Durada: 53 Secundas.
Bain scumonda la Svizra da furnir material d’armaziun en regiuns da conflict, dentant è il transferiment da know-how da la Svizra en blers pajais europeics lubì.
Or da l'archiv
video
La Svizra blochescha l'export da panzers per l'Ucraina
Or da Rundschau dals 01.06.2022.
laschar ir. Durada: 2 minutas 33 Secundas.
