Siglir tar il cuntegn

Header

cuntegn

Tschaiver a Basilea 2022 I dat ils «drey scheenschte Dääg» – en furma reducida

Il tschaiver a Basilea po quest onn puspè avair lieu. Quai ha communitgà la regenza chantunala ensemen cun il comité da tschaiver. I dettia in «Morgenstreich» reducì e las musicas da tschaiver dastgian sunar sin las vias, las giassas ed ils plazs da la citad. Dentant na dettia nagins cortegis da tschaiver tradiziunals il glindesdi e la mesemna. Ils ultims dus onns è il tschaiver mintgamai vegnì stritgà dal tuttafatg pervi da la pandemia da corona. Il tschaiver a Basilea cumenza ils 7 e cuzza fin ils 10 da mars. Anc il schaner avivi dà ponderaziuns da spustar il tschaiver sin la stad

En il center da l'ediziun 2022 duain star las persunas che fetschian activamain tschaiver. Grondas truschas d'aspectaturas ed aspectaturs veglian els evitar, uschia ils responsabels. Per la gastronomia valian las reglas da la Confederaziun. Als tschalers da las cliccas duain be commebers survegnir access. Er duai dar ina schliaziun cun bindels per simplifitgar l'access a locals e gastronomia a persunas activas en las differentas uniuns e gruppas da tschaiver.

audio
Per tadlar: Las novitads da las 17:00
ord RTR Audio dals 09.02.2022.
laschar ir. Durada: 5 minutas 4 Secundas.

RTR novitads 15:00

Artitgels legids il pli savens