Temporarmain vul la politica dar in ulteriur stausch a projects da turissem. Suenter la pandemia saja quai necessari. Perquai han omaduas chombras dal parlament approvà ina midada da lescha.
Tenor quella duain projects innovativs survegnir fin 70% da lur finanziaziun da la Confederaziun. Cunzunt quels ch'han da far cun digitalisaziun, persistenza e turissem commerzial e da citads survegnan sustegn. Per finanziar quai, lubescha la lescha da dar ora 20 ulteriurs milliuns, fin l'onn 2026.
Suenter il Cussegl dals chantuns ha er il Cussegl naziunal approvà la lescha. Uss è ella pronta per la votaziun finala.
