Siglir tar il cuntegn

Header

Passagiers e stewardess en in aviun.
Legenda: Keystone
cuntegn

Turitg e Genevra In zic dapli passagiers sur ils dis da Pasca

Cumpareglià cun ils dis avant han las plazzas aviaticas da Turitg e Genevra nudà dapli passagiers sur Pasca – dentant anc adina bler damain ch'ils onns avant la pandemia.

Sur ils dis da Pasca han divers Svizzers e Svizras visità destinaziuns suleglivas en l'exteriur. Las plazzas aviaticas da Turitg e Genevra han annunzià in lev augment dal dumber da passagiers en congual cun ils dis avant.

85% damain ch'avant la pandemia

Las cifras èn dentant anc cleramain sut quellas dals onns avant la pandemia. La plazza aviatica da Turitg ha nudà tranter 10'000 e 14'000 passagiers per di, sco ina pledadra da la plazza aviatica ha ditg sin dumonda da l'agentura da novitads Keystone-SDA. Tranter 7'800 e 9'000 passagiers per di èn sgulads quels dis davent da Genevra, ha declerà in pledader da la plazza aviatica. Quai sajan radund 85% damain ch'il 2019.

Il pli savens èn ils passagiers davent da Genevra sgulads en il Portugal, la Spagna, a Dubai ed en l'Egipta. Davent da Turitg èn dasper la Peninsla Iberica, la Germania, la Tirchia ed il Kosovo stadas las destinaziuns preferidas.

Ord l'archiv da Radio SRF:

audio
Cifras cotschnas per la plazza aviatica da Turitg
01:32 min, HeuteMorgen dals 12.03.2021.
laschar ir. Durada: 01:32 minutas.

RTR novitads 14:00

Artitgels legids il pli savens

Scrollar a sanestra Scrollar a dretga