La Confederaziun na po il mument betg metter ora certificats da corona. L'Uffizi federal per informatica saja vid schliar il problem tecnic. Dapli indicaziuns davart l'incap, na datti il mument betg.
I sa tracta dal terz disturbi grond cun certificats da Covid aifer in mais. La controlla dals certificats sco quai ch'i vegn per exempel fatg en ustarias, na saja betg pertutgada.
Dapi ils 13 da settember vala en Svizra l'obligatori da certificat. Dapi lura èsi da mussar il certificat tar eveniments gronds sco era en restaurants u per exempel en il kino.
