La chanzlia federala ha dà glisch verda per cumenzar a rimnar suttascripziuns. Il termin scada il zercladur 2022.
L'iniziativa pretenda tranter auter ch'ina persuna che refusa ina vaccinaziun na dastgia ni vegnir chastiada ni patir dischavantatgs socials u professiunals.
Lantschà l'iniziativa ha il moviment da libertad svizzer cun sedia ad Ostermundigen en il chantun Berna. Commembers da quest moviment èn per exempel la cussegliera naziunala da la PPS, Yvette Estermann, ed il scepticher da vaccinaziuns Daniel Trappitsch. Trappitsch è tranter auter s'engaschà ils ultims onns cunter la lescha dad epidemia ed ha fatg part dal comité da l'iniziativa «No Billag».
Ord l'archiv:
Il Minisguard ha declerà l'onn passà intgins pros e contras da laschar vaccinar encunter il virustgel.
